Esta película axudará a crear conciencia sobre a diminución da poboación de cabalos salvaxes desta raza e sobre o desafío ao que se enfrontan os veciños para protexelos.

 

Teñen poucas opcións para facelo: enfrontarse aos cuatreiros é perigoso, a caza de lobos está prohibida, o territorio está poboado de árbores de crecemento rápido que ocupan o espazo dos pastos. Agora está proxectada a instalación de parques de muíños eólicos por parte de multinacionais de enerxía no hábitat dos cabalos. Cabalos e veciñanza teñen moitas cousas en contra. Pero, como di unha pintada no muro do cemiterio, Sabucedo loitará pola súa identidade ('Deixa de rezar, loita').